Sa bawat sulok ng mundo ay may Pilipino, minsan pa’y samahan niyo kaming bisitahin sila, ito po si Pareng Rey at kasama ang ating Kasanggang si JR Langit. Ang ilalahad ko sa inyo ngayon ay istorya na aming ibinahagi kamakailan sa aming mga manonood sa telebisyon, sa aming “BIYAHENG LANGIT” na napapanood sa PTV4 tuwing Biyernes ng alas diyes ng gabi (10pm).
WORLD CLASS PERFORMERS
Talento ng mga Pilipino sa pag-awit, kahit saan tinatangkilik… Grupo ng bandang Pinoy sa South Korea, nangunguna sa paghahatid ng ligaya at saya. Filipino entertainers sa Seoul, hit na hit sa mga Koreano. Ang kanilang kwento tunghayan natin.
TRAVELOGUE WITH KASANGGA
Observation wheel kung tawagin, subalit higit na kilala bilang Ferris wheel. Pinaka-malaki sa Europa at nakapagsasakay ng mahigit sampung libong turista araw-araw.
Ngayong, para maiba naman samahan niyo kaming pasyalan ang London Eye at bisitahin ang ilang nag-gagandahang scenic spots ng bansang Europa tulad ng Buckingham Palace.
MILLENIUM WHEEL
Tayo na sa binansagang “Europe’s highest Ferris wheel.” Samahan niyo kaming pasyalan ang ipinag ma-malaking giant Ferris wheel ng Inglatera, mas kilala sa tawag na London Eye.
London ang tumatayong kapital ng Inglatera, sinasabing ito ang melting pot sa bahagi ng Europa. Binansagang leading global city pagdating sa edukasyon, transportasyon at turismo. Sa katunayan isa ang London sa mga siyudad na dinarayo ng napakaraming turista taon-taon.
Sa dami ng magagandang tanawin sa siyudad, inuna naming pasyalan ang tumatayong landmark ng bansa, ang London Eye. Taong 2000 nang pormal itong buksan sa publiko, dito nanggaling ang pangalan nitong “Millenium Wheel.” May taas itong 443 feet at itinuturing na pinaka-mataas ng Ferris wheel sa buong Europa. New Years Eve ng taong 2000 pinangunahan nang noong Prime Minister na si Tony Blair ang pagbubukas ng higanteng tsubibo.
TRAFALGAR SQUARE
Sumunod naming pinasyalan ang Charing Cross, mas kilala sa tawag na Trafalgar Square. Isa itong pampublikong plaza sa bahagi ng Central London. Matatagpuan dito ang Nelson’s Column, dito makikita ang rebulto ni Admiral Horation Nelson na siyang nagpanalo ng giyera laban sa mga Pranses sa Battle of Trafalgar. Sa bahagi naman ng Berkshire England, matatagpuan ang Windsor Castle. Tinagurian itong “oldest and largest occupied castle in the world.” 11th century pa nang ipatayo ito sa pangunguna ni William the Conqueror. Taong 1070 nang simulang buuin ang malaking kastilyo. Sinasabing umabot sa labing anim na taon bago makumpleto ang buong gusali.
WINDSOR CASTLE
Katulad ng mga nagdaang hari at reyna ng bansa, dumaan ito sa napakaraming pagsubok. Ilang beses man itong magiba at muling ipatayo, nanatiling matibay ang mga haligi ng gusali. Hanggang ngayon ang Windsor Castle ay nagsisilbing pansamantalang tahanan at pahingahan ng Reyna ng Inglatera.
EAST OF THE MOON
Samantala, Filipino entertainers naman sa Seoul, hit na hit sa mga Koreano. Ang kanilang kwento ating tunghayan. Ang kanilang mga tinig, gabi-gabi inaabangang marinig. Sa isang sikat na hotel sa Seoul South Korea, nakilala namin ang bandang Pinoy, sila ang, East of the Moon. Sa Grand Hyatt Hotel sa Seoul South Korea aming unang nakita at napakinggan ang bandang East of the Moon. Una naming nakausap ang tumatayong Ama at leader ng grupo. Siya si Ding Tolentino.
ANG MUSIKERO
Ding: Nagsimula po akong tumugtog mula ng akoy bata pinilit po akong mag aral ng piano ng aking nanay tapos po pagdating po ng college nag aral din po ako sa UP Conservatory of Music at magmula noon ako po ay naging musikero ng tunay.
Grupo ng bandang Pinoy sa South Korea, nangunguna sa paghahatid ng ligaya at saya. Si Ding ang Pianist ng grupo.
Ding: Ang East of the Moon po ay binubuo ng tatlong singers, piano at bahista yun pong tatlo naming singers ay nagvovoicing po, bosesan, arrangement ng mga standards at pati po…songs ginagawa namin ganon po ang forte ng grupo na ito.
MGA CHALLENGES
JR Langit: Ano po yung masasabi niyong challenges sa pagiging musician lalo na nagpeperform kayo sa ibang bansa?
Ding: Challenges as a musician sa ibat-ibang bansang napuntahan namin yun pong demand ng mga tao mga request po nila sa amin kailangan po namin pagbigyan lahat at nag aaral po kami ng mga kanta ng bawat bayan na mapuntahan namin hindi po madali yon.
Ayon kay Ding, inako na niya ang responsibilidad na mangalaga at magsilbing tatay ng grupo.
Ding: Mga challenges po being the leader of the group disciplining the members, following the rules of hotels where we work and of course the health of my members if somebody get sick I get worried too and…contact our agent send them to the hospital they help us they give almost everything we need they give to us. East of the Moon, Talento ng mga Pilipino sa pag-awit, kahit saan tinatangkilik… Maganda ang pag tanggap sa mga Filipino entertainers dito sa Seoul, ayon na rin sa bokalista ng banda na si Laurence, kadalasan grupo ng mga musikerong Pinoy ang hinahanap na tumugtog sa Hotel.
PRODUCT NG KARAOKE
Siya si Laurence Gonzales, na mula ng magkaisip siya, pag-awit na ang kinagisnan niya. Bata pa lang nakitaan na ng talent ng kanyang daddy. Nagsimula sa isang simpleng karaoke machine at doon nagsimula, mula noon parati na siyang sinasamahang mag-training sa choir, nag metropolitan childrens choir siya noon, nag-Ryan Cayabyab school for music and then tinuluy-tuloy na niya sa high school. Sumali siya sa school choir Legazpi City sa Divine Word College Chorale. Graduate siya ng kolehiyo sa University of Sto. Tomas si Laurence.
Laurence: I took up voice and minor in piano and from them on I started singing in weddings also like Honey girl so magkaibigan po kami nagkakasama po kami sa mga weddings and functions.
Higit sa kanilang kakayahan, sipag at magandang paguugali ang kanilang ipinapakita. Kaya naman sa labas ng bansa patuloy na hinahangaan ang mga Pinoy na mangagawa.
CONSERVATORY OF MUSIC
Bukod kay Laurence, may isa pang singer ang grupong East of the Moon. Siya si Honeygirl Guttierez, tubong Pulilio Quezon.
Honeygirl: Ako po nagkaroon ako ng training sa Saint Paul College Conservatory of Music, major in Voice and minor in Piano and then nag start akong mag-gig after graduation as a wedding singer tsaka singer sa mga events. Taong 2006, nang unang lumabas si Honeygirl ng bansa. Sa Northern China siya nabigyan ng pagkakataong makapagtrabaho bilang mang-aawit.
Honeygirl: first time ko sa China Northern China close to Beijing and then after that dito sa Korea for four months and then balik sa China for 3 ½ years and then dito ulit sa Seoul Korea, ayon.
SPANISH, FRENCH, CHINESE SONGS NAME IT!
Dahil dito, kinaylangan niyang mag-aral ng mga kantang iba ang lengwahe. Depende sa bansa na kanyang pinupuntahan..
Honeygirl: Mayroon kaming Spanish songs, French siyempre Korean mayroon din kami mostly English, may Chinese din
Talento ang nagdala sa grupong East of the Moon, sa iba’t-ibang panig ng mundo. Dahil sa kanilang husay at galing sa pag-awit, lahat ng makarinig ay naakit. Sumunod naming nakilala ay ang gitarista ng banda. Siya si Reggie Tamayo.
Reggie: Noong bata po ako nagsimula po akong matutong tumugtog ng gitara elementary, ang kuya ko po ang nagturo sa akin and then noong college nag-enroll po ako sa UST Conservatory of Music then nag tuloy tuloy din po ako doon mag aral ng classical guitar and then doon na po nagsimula ang aking journey bilang musikero.
Bukod sa Korea, nakarating na rin si Reggie sa Japan at Singapore, kung saan siya nagtrabaho bilang musikero.
DISCIPLINE AND DETERMINATION
Reggie: Advise ko lang being a musician takes discipline, determination and of course siyempre yung talent so pagyamanin natin ang talent kailangan maging masipag para marating natin ang gusto nating marating.
Liban kay Honeygirl at Laurence may isa pang bokalista ang grupo. Siya si Jelica, ang tumatayong bunso ng banda.
Jelica: Bata pa lang ako nakitaan na ako ng tita ko na mayroon nga akong kakayahang kumanta. tinuruan niya ako tapos pumasok din ako sa training school and then after graduation nakasama na ako sa grupo namin.
Pangalawang grupo na ni Jelica ang East of the Moon. Una siyang nagperform kasama ang bandang Fortesimo sa Bali Indonesia at nang matapos ang kanyang kontrata lumipat rin siya ng banda.
Jelica: Sana tuloy tuloy din ang may mga dumating pa rin na mga opportunities na makakanta sa ganto kasi ano e katulad ngayon maganda ang privilege namin dito at maganda ang treatment sa amin tsaka bata pa para makatulong sa family ganon naman talaga e.
FLAG-BEARER
Matapos kaming kantahan ng grupo, nag-iwan sila ng maikling mensahe para sa mga tulad nilang musikero na nag nanais lumabas ng bansa.
Ding: mapapayo ko po sa mga musicians na kapareho namin na gusto rin makatikim ng pag aabroad, paghusayan po ninyo, pag aralan ninyong mabuti ang mga instrumento ninyo, kung singer po kayo kumanta po kayo ng maayos dahil hindi naman po talaga basta basta lang na darating kayo dito at tutugtog na lang kailangan po talaga mahusay ng sa ganon po ay maitayo natin ang watawat ng ating bayan.
Honeygirl: Kailangan din po talaga ng disiplina. At para sa singer kailangan magpondo at mag aral ng maraming kanta yun po ang isa sa pinakamataas na requirement para sa isang singer.
BANDANG PINOY
Ang kanilang mga tinig, gabi-gabi inaabangang marinig. Sa isang sikat na hotel sa Seoul South Korea, nakilala namin ang bandang Pinoy, sila ang, East of the Moon.
Laurence: Isa sa pinakamahirap gawin ay ang pag iipon lalo na sa Pilipinas parati ninyong tatandaan na ang buhay sa Pilipinas ay hindi madali at kapag nagkakaroon kayo ng opportuinity makapunta sa abroad makapagkanta mag ipon po ng mag ipon kasi ang pagiging musician, pagiging singer ay hindi forever…ano lang siya panandalian.
Talento ang nagdala sa grupong East of the Moon, sa iba’t-ibang panig ng mundo. Dahil sa kanilang husay at galing sa pag-awit, lahat ng makarinig ay naakit.
Higit sa kanilang kakayahan, sipag at magandang paguugali ang kanilang ipinapakita. Kaya naman sa labas ng bansa patuloy na hinahangaan ang mga Pinoy na mangagawa.
BIYAHENG LANGIT
Katulad ng mga nagdaang hari at reyna ng bansa, dumaan ito sa napakaraming pagsubok. Ilang beses man itong magiba at muling ipatayo, nanatiling matibay ang mga haligi ng gusali. Hanggang ngayon ang Windsor Castle ay nagsisilbing pansamantalang tahanan at pahingahan ng Reyna ng Inglatera. Hanggang sa susunod na paglalakbay siguradong hindi tayo mauubusan ng kwentong Pinoy sapagkat sa bawat sulok ng mundo ay may Pilipino. Minsan pa ang aming pasasalamat sa inyong walang sawang pakikipaglakbay sa aming “Biyaheng Langit.”