PILOT: “Ladies and gentlemen kindly keep your seatbelt fastened. We will be experiencing air turbulence.”
Hindi naging sagabal ang air turbulence sa aming pag lipad patungong Davao. At nais kong ibahagi sa inyo ang ilan sa aming naging talakayan ni Presidential spokesperson Harry Roque para sa aming “KASANGGA MO ANG LANGIT” TV program sa PTV tuwing Biernes, alas diyes ng gabi (10pm). Ilan sa aming napagusapan ang hingil sa issue ng Martial Law sa Mindanao, ang hingil sa rebellion at terrorismo, kung ano ang maaaring maging epekto rin nito sa 2018 Baranggay at SK election sa Mindanao.
VARIOUS ISSUES
Napag usapan rin namin ang mga isyung bumabalot sa bansa tulad ng Dengvaxia controversy, issue ng LTO car plates, ang base pay ng mga Government Uniformed Personnel. At ang hingil sa naging pahayag ni Joma Sison na open pa rin sila sa peace talks.
Rey Langit: Secretary, madako naman po tayo dito sa mukhang napaka gandang relasyon ng Metro Manila o ng Pilipinas at saka ng Tokyo. Parang nais ng umpisahan yung subway dito sa Metro Manila at mukhang ok na ok na po itong ah hundred four billion yen na initial na loan na binigay nitong Tokyo sa atin.
Sec. Roque: Tama po yan. Alam mo maganda dun sa Pilipinas at Tokyo pareho tayong maraming lindol at dahil dyan parang angkop yung teknolohiya ng Japan para sa subway sa Pilipinas. Marami kasing natatakot na kung subway, at kung lumindol, baka maguho yung subway system. Pero sa Japan naman o sa dami ng kanilang earthquakes, hindi naman naguguho yung kanilang subway system. Yan po yung isang mabuting balita na inuwi namin sa Pilipinas nung pumunta po ng pangalawang beses ang ating pangulo sa Japan o sa Tokyo. Tuloy-tuloy na at naniniwala ako na itong subway ay isa sa solusyon dun sa matinding traffic problem natin sa Metro Manila.
SWS SURVEY
Rey Langit: Yung ipinalabas ng SWS na recent survey, positibo ang mga Pilipino na sa darating na taon 2018 ay gaganda ang kanilang buhay. Marahil secretary, dama na nila ang preparasyon ng mga proyektong ito na Build, Build, Build ng Duterte administration.
Sec. Roque: Talaga naman po may basehan ang bagong pag asa ng ating sambayanan. Unang-una napaka laki po ng pag lago ng ating ekonomiya. I sa na po tayo sa pinaka mabilis na pag lago noh of 6.9 so far ano ang inaasahan natin ay 6.5 lamang mas mataas pa ang ating paglago, mabilis keysa sa bansang China. Sa katunayan panglawa tayo noh sa buong daigdig pinaka mabilis na paglago ng ekonomiya at sasamahan mo panga ng Build, Build, Build sasamahan mo pa nung TRAIN ay talaga namang at saka yung kampanya ni Presidente laban sa korapsyon.
![]()
THE TAX REFORM LAW
Naikuwento ni Secretary Roque kung magkano ang inaasahang kikitain ng pamahalaan sa Tax Reform for Acceleration and Inclusion (TRAIN) para magamit sa Build, Build, Build.
Rey Langit: Secretary sa tax reform bill napaka ganda ng suporta ng kongresso bagamat merong mga agam-agam na while ang karamihan sa makikinabang dito ay mga ordinaryong manggagawa. Sa level ng dating hindi nag e-enjoy dahil halos malaki ang reduction sa kanilang yearly income at take home pay. Pero ang sinasabing adjustment naman daw nito sa goods at sa services, ipapatung sa excise tax. How true is this?
Sec. Roque: Well ito pong TRAIN na tinatawag natin ito po talaga ay importante sa Build, Build, Build program ito po yung nag re raise ng at least 120 billion para dun sa ating Build, Build, Build program. Binaba po yung mga halaga na hindi na kailangan magbayad ng buwis hanggang 250 thousand na ngayon at bagamat merong mga excise taxes sa petrolyo, sa asukal, sa pagbili ng kotse, sa tingin ko po in the long run yung Build, Build, Build magbubunga rin sa mas maraming trabaho at kabuhayan sa ating mga kababayan. Bagamat mas malaki yung indirect taxes na babayaran nila, ay yung pag pupuntahan naman ng indirect taxes para sa proyekto ang makikinabang rin ay yung taong bayan at habang tayo’y may proyektong ganyan ay nagkakaroon din ng pag lago ang ating ekonomiya dahilan para lumaki rin ang kita ng lahat ng mga Pilipino.
VETOED SOME PROVISIONS OF TRAIN
Samantala venitoed ng Pangulong Rodrigo Duterte ang ilang bahagi ng unang package ng Tax Reform for Acceleration and Inclusion (TRAIN). Ilan as mga na-vetoed ng Pangulo ay may kaugnayan sa pagbawas sa income tax rate ng empleyado ng Regional Headquarters, Regional Operating Headquarters, Offshore Banking Units, at Petroleum Service Contractors at subcontractors. Ang exemption sa percentage tax ng gross sale, resibo na hindi lalampas ng limang daang libo (P500,000.) At isa pa sa na-veto ng Pangulong Duterte ay ang exemption ng mga petroleum products mula excise tax gamit bilang input, feedstock o raw material sa pagawa nang petrochemical products, o pagre-refine ng petroleum products na bilang kapalit ng fuel para sa natural gas gamit sa power plants. Ang hiwalay na trato sa sales ng goods at services sa teretoryo ng customs na at sa tourism enterprise zones. Ang hingil sa incremental tobacco taxes.
Ang nilagdaang tax reform measures ng Pangulong Duterte ay mag kakabisa simula sa January 1, 2018.
MINDANAO’S MARTIAL LAW
At sa kabila ng pagpapalawig pa ng martial law sa Mindanao, tinitiyak ni Sec. Roque na walang dapat ipangamba dito ang mga mamamayan.
Sec Roque: Ako po ay naniniwala na sa talagang pusot damdamin ni presidente ay nais talaga nya magkaroon ng kapayapaan. Ang problema, habang nakipag usap kasi ng kapayapaan walang senseridad yung NPA. Atake ng atake ng kasundaluhan. Ipakita lang ni Joma Sison ng kanyang senseridad. Mag a-anebersaryo na – ano ba naman yung wag silang mag atake ng kasundaluhan at sabihin na maski walang suspension of military activities. Maraming paraan para iparating ang sinseridad kayang gawin yan ni Joma Sison kung gugustuhin nya.
PILOT’S INTERRUPTION
Hindi pa tapos ang aming talakayan ni Sec. Harry Roque-
PILOT: “Ladies and gentlemen, your captain speaking, we are now on our descent and preparation for landing.”
SUMMATION
Isang masaya at makabuluhang paglalakbay ang naganap sa Kasangga Team (with JR Langit) patungo sa Davao City upang tugunan ang paanyaya ng Pangulong Duterte.
Nakakataba ng puso na kahit isa na syang Pangulo, hindi nakakaligtaan ng Pangulong Rodrigo Roa Duterte na personal na maanyayahan kami ni JR sa kanyang pag titipon at bigyan ng personal panahon upang sariwahin ang mga nakalipas nang panahong buhay pa ang aking Anak na si Reyster na kanyang itinuring na matalik na kaibigan. Tulad na lamang ng prediksyon sa kanya ng aking yumaong anak na si Reyster, na nakaukit sa kanyang kapalaran ang maging Pangulo ng Bansa.
SPECIAL CHRISTMAS GREETINGS
Sa pamamagitan ng ating column “ANG INYONG KASANGGA” dito sa manilaspeak.com sa inyong mga mambabasa at taga subaybay ipinaaabot nang ating mga special na kaibigan ang kanilang pag bati sa inyo:
Sec. BONG GO:
Sa lahat ng televiewers ng Kasangga mo ang langit, sa mga nagbabasa ng Column ni Sir Rey, Maligayang pasko at Manigong bagong taon sa inyong lahat. Kasama po namin ang Kasangga ng Langit na si Jr and sir Rey Langit. Maraming pong Salamat.
Sec. HARRY ROQUE:
Merry Merry Christmas ang mensahe ko sa inyong lahat, sabay sabay nating matamasa ang biyaya ng may kamal, hangad ng ating Gobierno ang matiwasay na pagsulong ng Bayan.
PANGULONG RODRIGO ROA DUTERTE:
Isang Maligaya, Mapayapa at Maunlad na Pasko at Bagong Taon ang aking nais na iparating sa ating Mamamayang Pilipino.
Rey Langit:
At sa ngalan nang aking anak at kasanggang si Reyster sa langit, ang aming pagbati sa inyo ni JR Langit ng Merry Christmas and Happy New Year. Hangad na patuloy naming mapag ibayo ang paglilingkod sa sambayanang Filipino.